نئی دہلی: ہندوستان میں مہنگائی کے محاذ پر تشویش بڑھ گئی ہے۔ مرکزی وزارت تجارت و صنعت کے تحت جاری اعداد و شمار کے مطابق اکتوبر 2026 میں تھوک قیمتوں پر مبنی مہنگائی (WPI) بڑھ کر 12.29 فیصد ہوگئی، جب کہ ستمبر میں یہ شرح 11.39 فیصد تھی۔
مہنگائی میں اضافے کی سب سے بڑی وجہ ایندھن اور بجلی کی قیمتوں میں تیزی سے ہونے والا اضافہ ہے۔ اکتوبر میں اس شعبے کی مہنگائی 32.84 فیصد ریکارڈ کی گئی، جب کہ ستمبر میں یہ 25.85 فیصد تھی۔ خام پیٹرولیم اور قدرتی گیس کی قیمتوں میں بھی نمایاں اضافہ ہوا ہے۔
ماہرین معاشیات کے مطابق تھوک قیمتوں میں مسلسل اضافہ صنعتوں، کاروباری اداروں اور صارفین کے لیے مشکلات پیدا کرسکتا ہے۔ اس کا اثر پیداواری لاگت، نقل و حمل اور اشیائے ضروریہ کی قیمتوں پر بھی پڑنے کا امکان ہے۔
حکومتی اعداد و شمار کے مطابق اکتوبر میں خوردہ مہنگائی بھی 6.09 فیصد رہی، جو ریزرو بینک کے مقررہ 6 فیصد کے بالائی دائرے سے زیادہ ہے۔

